قال الفنان يوسف الشريف، إن وجوده في احتفالية قادرون باختلاف يعد تكريما له.
وأضاف الفنان يوسف الشريف، خلال احتفالية قادرون باختلاف بحضور الرئيس عبدالفتاح السيسي، :"لما جتلى فرصة إن ألعب دور شخص فاقد لحاسة البصر في مسلسل الصياد كنت محظوظ، لأن وأنا بذاكر الشخصية قابلت ناس كتير محطوطين في الاختبار الصعب ده وبصراحة كلهم ساعدوني وتحدثوا معي في أدق التفاصيل، وكان ليهم فضل كبير بعد ربنا سبحانه وتعالي إن العب الدور بالشكل اللى شوفتوه في المسلسل .
وتابع الشريف: "وسألت نفسى ساعتها سؤال يا ترى الناس اللي ساعدتني هما نفسهم قدروا يتابعوا المسلسل؟، ويا ترى كام شخص موصلوش آى عمل فني ولا الرسالة منه، علشان كده أنا سعيد وفخور بمشروع الوصف الصوتي.. مشروع الوصف الصوتي اللى هيخلي الاعمال الدرامية فيها وصف صوتي لكل مشهد لكل مشهد وكأنك شايفه بالظبط، وخير مثال لده إننا عملنا فعلا وصف صوتي لحلقة ملحمة البرث لمسلسل الاختيار لان دى واحدة من القصص اللى لازم الناس كلها تعرفها".