طالبت الإعلامية إيمان الحصرى جمهورها، بالدعاء للمذيعة سارة حسن، وقالت فى منشور عبر صفحتها بفيسبوك: "يا رب اشفيها يا رب، أرجوكم كل اللي يقدر يدعي من قلبه أو يبعتلها كلام حلو يشجعها.. سارة بتحارب مرض خبيث بشجاعة وإن شاء الله حبيبتي هتبقى زى الفل وأقوى من الأول وترجعى لأهلك وكل حبايبك،صدقينى لسة فى معجزات بتحصل".
وفى نوفمبر الماضى، خضعت المذيعة سارة حسن لعملية جراحية دقيقة في المخ لإزالة ورم، حيث نشرت صورة لها عبر حسابها على فيس بوك قبل دخولها غرفة العمليات.
وكتبت سارة حسن، قائلة:" يارب أنت الشافي العافي يارب كمان ساعة هبقي بين إيد ربنا ما فيش أحن منه علينا يارب تقتى في الله وفي الدكتور كل صحابي وإخواتي وحشتوني والله.. لا إله إلا الله محمدا رسول الله".
ودخل عدد كبير من أصدقائها يدعموها ويدعون لها بالشفاء العاجل، ومن التعليقات :"ربنا يتم شفاكى على خير وتقومى بألف سلامة يارب، ربنا يشفيكي شفاء لا يغادر سقما، هتبقي كويسة و بخير و هترجعلنا باذن الله احسن من الأول ربنا يشفيكي و يعافيكي يارب".
