سيدة تكشف كيف أصبحت أم بالصدفة بعد حرمانها من الأمومة لعشرين عاما

كشفت رحاب والدة الطفلة نور بالتبنى، عن كيف أصبحت أم بالصدفة بعد حرمانها من الأمومة لعشرين عاماً، معقبة : "كان نفسى أخلف بعد الجواز عملت حقن مجهرى وربنا ما أرادش وبعد كده خبطتنى عربية جامد، لحد ما يوم من الأيام بصيت فى الشارع كيس وفيه حاجة بترفص لقيت طفل واتصلت بزوجى ورحنا ودناها المستشفى وصحتها كانت كويسة". وأضافت خلال حوارها مع الإعلامى عمرو الليثى عبر برنامجها واحد من الناس المذاع على قناة الحياة، : "خرجنا من المستشفى عشان نتبناها وبعد فترة تردد وعنده حق كان لديه 4 أطفال يكون لهم أخت متبنياها، وفى عملية حقن مجهرى جالى سكر وهناك إحباط نفسى وناس قالت لى أكفلى وبعد ما مشيت والدنيا وقفت، واتعلقت بنور". وتابعت : "رحت القسم وسلمتها واتعرضت فى النيابة وتم وضعها بدار تبع مركز الأمومة والطفولة، والضابط كتب عليا تعهد أن أنا أخد الطفلة تبات معايا وتانى يوم رحت مع أمين الشرطة سلمتها للدار وفى اللحظة دى صعبت عليا قوى وحاسة أن الحياة وقفت قدامى وهى بتعيط بابا وماما وجريت على وزارة التضامن الاجتماعى وعملت الأوراق ودخلت لجنة وتمت الموافقة عليا خلال أسبوع وتسلمتها بكفالة الطفلة ولما جات الكورونا قفل السجل المدنى 3 شهور وتواصلت مع حد فى السجل المدنى واستلمت نور بعد ما السجل المدنى فتح". وأوضحت : "انفصلت عن زوجى عشان أتكفل بنور ووافق إنه ينفصل عنى إنه التمس إنه حس أن أنا بحبها وحساها بنتى، وزوجى كان عنده 4 أولاد من زوجته الأولى، وبحب نور أكتر ".



الاكثر مشاهده

جمال وقوة وزينة كمان.. كرنفال مصارعة الهجن التقليدى

مركبة كهربائية يمكنها الطيران 160 ميلا فى الساعة دون أى انبعاثات

خليك في الكيوى والفراولة.. عشان تقوي مناعتك في الشتاء

4 خطوات هتخلى كلبك مطيع ويسمع الكلام.. لغة الجسد والهدايا الأبرز

الإبداع الأول.. سمية رمضان تنشر مجموعتها القصصية "خشب ونحاس" عام 1995

مركز "جاماليا" الروسى: فعالية لقاح "سبوتنيك V" ضد سلالة أوميكرون تبلغ حوالى 75%

;