عمرو أديب ناعياً وائل الإبراشي: "مش هيجي زيه.. كان مذيع متميز لأنه صحفي شاطر"

علق الإعلامي عمرو أديب، على وفاة الإعلامي الكبير وائل الإبراشي، حيث نعاه قائلا:"وائل مش هيتعوض، والشغلانة دي اللي احنا بنشتغلها، سواء بتحبونا أو مش بتحبونا، اللي بيمشي مننا مبيجيش غيره، لأن عدد المتميزين فيهم قليلين جدا، ومن مدة مسمعناش عن إن في حد يقف مكان حد، وائل عمره ما يتكرر كان مذيع عظيم". وقال أديب خلال برنامج الحكاية الذي يذاع على قناة "mbc مصر"، "ناس كتير ممكن تقيمه كمتفرجين، أنا بقيمه كمذيع، وائل مكنش بيقول رأيه قد ما كان بيبين جميع الأراء، كان بيجبلك قلب الحاجة من جوة، لأنه كان صحفي، والشغلانة دي اللي بيتميز فيها الصحفيين، المذيع الكويس في الشغلانة دي أصله صحفي مش أصله مذيع، وظيفته البحث والتنقيب والرغبة في المعرفة". وقال،"أراد وائل الله يرحمه إن نهايته تطرح قضية هامة وليست مسألة شخصية، وفي ناحيتين عاوز أتكلم عنهم بهدوء شديد، الناحية الأولى الناحية السياسية، والناحية التانية هي الناحية الصحية، بالنسبة للناحية السياسية، أنا تألمت جدا إن يوم وفاة وائل، الهاشتاج بتاعه، كان الشماتة، وسمعنا حاجات من قبيل يتحرق ويولع وأحسن إنه مات، إنما الهاشتاج بتاع الله يرحمه، هذا أمر لا أراه إلى هنا، واللي عمل كدة ليسوا بني آدمين".



الاكثر مشاهده

الفوز فقط.. يا كيروش

ناسا تصلح خللا فى رأس صاروخ القمر الجديد SLS megarocket

دراسة تكشف دور التوت المجفف فى الوقاية من الضمور البقعي المرتبط بالعمر

زيمبابوى: الحكومة تضغط بشدة لتحقيق أهداف التطعيم

الرئيس الموريتانى: ندعم إجراءات الإمارات للدفاع عن أمنها ومواجهة الهجمات الإرهابية

عبد الحليم قنديل ضيف برنامج المواجهة على إكسترا نيوز.. الليلة

;