عمرو أديب ناعياً وائل الإبراشي: "مش هيجي زيه.. كان مذيع متميز لأنه صحفي شاطر"

علق الإعلامي عمرو أديب، على وفاة الإعلامي الكبير وائل الإبراشي، حيث نعاه قائلا:"وائل مش هيتعوض، والشغلانة دي اللي احنا بنشتغلها، سواء بتحبونا أو مش بتحبونا، اللي بيمشي مننا مبيجيش غيره، لأن عدد المتميزين فيهم قليلين جدا، ومن مدة مسمعناش عن إن في حد يقف مكان حد، وائل عمره ما يتكرر كان مذيع عظيم". وقال أديب خلال برنامج الحكاية الذي يذاع على قناة "mbc مصر"، "ناس كتير ممكن تقيمه كمتفرجين، أنا بقيمه كمذيع، وائل مكنش بيقول رأيه قد ما كان بيبين جميع الأراء، كان بيجبلك قلب الحاجة من جوة، لأنه كان صحفي، والشغلانة دي اللي بيتميز فيها الصحفيين، المذيع الكويس في الشغلانة دي أصله صحفي مش أصله مذيع، وظيفته البحث والتنقيب والرغبة في المعرفة". وقال،"أراد وائل الله يرحمه إن نهايته تطرح قضية هامة وليست مسألة شخصية، وفي ناحيتين عاوز أتكلم عنهم بهدوء شديد، الناحية الأولى الناحية السياسية، والناحية التانية هي الناحية الصحية، بالنسبة للناحية السياسية، أنا تألمت جدا إن يوم وفاة وائل، الهاشتاج بتاعه، كان الشماتة، وسمعنا حاجات من قبيل يتحرق ويولع وأحسن إنه مات، إنما الهاشتاج بتاع الله يرحمه، هذا أمر لا أراه إلى هنا، واللي عمل كدة ليسوا بني آدمين".



الاكثر مشاهده

"لمار" تصدر منتجاتها الى 28 دولة

شركة » كود للتطوير» تطرح «North Code» أول مشروعاتها في الساحل الشمالى باستثمارات 2 مليار جنيه

الرئيس السيسى يهنئ نادى الزمالك على كأس الكونفدرالية.. ويؤكد: أداء مميز وجهود رائعة

رئيس وزراء اليونان يستقبل الأمين العام لرابطة العالم الإسلامي محمد العيسى

جامعة "مالايا" تمنح د.العيسى درجة الدكتوراه الفخرية في العلوم السياسية

الأمين العام لرابطة العالم الإسلامي يدشّن "مجلس علماء آسْيان"

;