تلقي برنامج "الدنيا بخير" الذى يعرض على قناة الحياة، أسئلة جمهور البرنامج ضمن فقرة "منبر الفتوي"، ومن بين هذا الأسئلة التي تلقاها البرنامج، سؤال مشاهدة قائلة "أنا بحوش فلوس من غير ما زوجي يعرف علشان عايزه احج.. فهل ده حرام"، ليجيب عنها الشيخ عويضة عثمان أمين الفتوى بدار الإفتاء المصرية، الذي أكد للمرأة ذمة مالية مستقلة من مالها الخاص، متابعا: "لو بتحوش من ورا جوزها من مصروف البيت لازم تستاذنه.. وتقوله أنت بتديني مصروف كتير وربنا مبارك.. وانا بحوش علشان اعمل عمرة أو احج.. ولابد أن تعلمه لو كونت مبلغ من المال.. حتى لو أعطاها حق التصرف.. هي أمانة ودي فلوسه".
وأضاف خلال حواره في برنامج "الدنيا بخير" على قناة الحياة وتقدمه الإعلامية لمياء فهمي: "لو الموضوع يخص مصروف خاص بها.. بعض الأزواج بيعمل كده.. يعطي لزوجته مصروف البيت ومصروف خاص بها.. هذا المصروف الخاص بها لو حوشته وركنته ده لا مانع فيه ومن حقها لأنها في هذه الحالة بقت زي الهبة".
وتابع الشيخ عويضة عثمان: "المصروف الخاص يختلف عن مصروف البيت.. ومن حق المرأة ان تتصرف فيه ولا تخبره في هذه الحالة".