قالالفنان محمد ثروت، إنه لا يحب "النكد" حتى وهو فى حالة نفسية سيئة، وعلق ساخراً: "أنا فى البيت دراما مش كوميدى، بس أكيد فى وقت ببقى كوميدى، لأن احنا بنقضى وقت كبير فى لوكيشن التصوير فمينفعش أبقى غتت".
وأضاف خلال لقائه ببرنامج "أحلى كلام" الذى يقدمه الفنان أحمد فهمى، على قناة "الحياة": "علاقتى بالفن بدأت فى الجامعة، علشان الواحد لما بيدخل الجامعة مداركه بتبقى أوسع، أنا كنت كلية تجارة عين شمس وكنت بروح مسرح الجامعة، قعدت فى الجامعة 7 سنين بدل 4 سنين بسبب التمثيل والمسرح، ودخلت مركز الإبداع الفنى وشاركت فى قهوة سادة، ومسلسل الكبير أوى والدنيا مشيت بعد كدة".
وعلق ثروت على مشاركته فى فيلم أولاد العم، وقال: "فى الوقت ده كنت فى مركز الإبداع الفنى، ووقتها سمعت أن الفيلم بيتصور فى جنوب إفريقيا، وكان كاست كبير من النجوم، رجعوا وكانوا بيصوروا آخر حاجات، فوجئت أن أستاذ شريف عرفة كلمنى وقالى عاوزك، تانى يوم الساعة 7 صباحا، جت عربية خدتنى للعين السخنة، وأنا ظهرت فى لقطة واحدة، وكنت متخيل إنى هقول مشهد، لكن كانت كافية لأنها مع الأستاذ شريف عرفة".