قالت الدكتورة نهى أبو ستة، خبيرة التربية والتغذية للأطفال، إن هناك فرقا كبيرا بين تشجيع الطفل على نقل كلام عن نفسه، وبين نقله لكلام الآخرين، مشيرة إلى أنه يجب على الأم أو الأب، أن يطلبوا من الطفل أن يحكي عن نفسه والمواقف التي تحدث معه، وأن يتربى الطفل على هذا المبدأ.
وأضافت خلال لقائها ببرنامج "السفيرة عزيزة" الذي يذاع على قناة "dmc": "القيم تتأصل من الطفولة، ولو قلنا للطفل أنت لازم تيجي تحكي لماما، ولو مقولتش لماما يبقى إحنا مش صحاب، الطفل في السن ده مش فاهم إن دي فتنة وكسر للخصوصية، هو فاهم إن دي حاجة كويسة وحميدة وبتقربني من ماما وبتديني مزايا".
ومن جانبه قال الفنان عمرو وهبة، في مداخلة هاتفية بالبرنامج: "أنا ابني 5 سنين، وأنا مش عارف هل هو الوقت المناسب اللي أعرف فيه هو فتان أو لا، هو مش بحسه فتنة قد ما بحسه إنه بيبقى متحمس إنه يحكي، بيحكيلي عن يومه، ولحد دلوقتي مقاليش حاجة خلتني أقوله لا يا يحيى متقوليش كدة، محصلش الموقف ده".
ومن جانبها علقت الدكتورة نهى أبو ستة: "لو الطفل بيحكيلي عن حدث حصل وهو في السن الصغير ده، بسأله عن إحساسه، وعن رأيه، كأني بحط مرايا في وشه، وبقوله الموقف أثر عليك إزاي وتعاملت في الموقف ده إزاي، الطفل بيحس إني لو اتكلمت عن نص الكوباية الفاضي إنه غلط".