قالت الإعلامية دينا عبد الكريم، إن المحاسب هو الشخص الوحيد الذي يعرف مرتبات جميع الموظفين، مشيرة إلى أشهر 10 جمل غير صادقة للمحاسبين.
وأضافت خلال تقديمها برنامج "شغل عالي"، عبر فضائية "سي بي سي": " أول جملة، لو قالك ورقك قدامي وبخلصه، تعرف أنه مطلعش من الدرج من أسبوع"، موضحة أن الجملة الثانية هي "بيتكلم بلوغاريتمات، دا معناه بيمشيك بالذوق".
"الشخص الوحيد اللي عارف كل الناس بتاخد كام" 👀.. أشهر تحديات وكدبات بيقابلها وبيقولها المحاسب 👇#شغل_عالي pic.twitter.com/uHZyHDO4JG
— CBC Egypt (@CBCEgypt) May 13, 2022
وتابعت: "الجملة الثالثة ديما بيحسسك أن الشغل بياخد وقت كبير، ودي فلوس ناس يا أستاذ"، أما الرابعة :"لما يقولك ورقك عند فلان"، والخامسة: "لو ورقك ضاع من عند المحاسب هيقولك مش عارف ورقك فين"، أما السادسة: "لما يقولك مشغول في حاجة تانية".
وأردفت: "الجملة السابعة: لما يقولك مش لاحق أخلص"، أما الثامنة: "هيقولك الورق دا ضروري يبقى عندي بكرة"، والتاسعة: "لو سألت عن مرتبك وحوافزك والخصومات، هيقولك ماعنديش معلومة"، وأخيرا العاشرة: "لو اتضايق منك هيقولك احنا عندنا جرد يا أستاذ".