قال الروائى إبراهيم عبد المجيد الفائز بجائزة النيل للأدب: الحمد لله حالتى الصحية تتحسن، وبقالى سنة ما كنتش شوفت الشوارع، والحمد لله تشجعت اليوم وخرجت وبمشى على عكاز.
وأضاف خلال مداخلة مع الإعلامية لميس الحديدى ببرنامج كلمة أخيرة: الجوائز دائما يتبقى نوع من التكريم بتقول للواحد مجهودك ما راحش هدر، وأنا متعتى الوحيدة هي الكتابة، وما فرحتش بجائزة غير في بداياتى وكانت 3 جنيه، أما باقى الجوائز كانت ترشيحات من ناس أخرى والمتعة الحقيقية لى هي الكتابة.
وتابع: أنا بدور على شخصياتى في الشوارع وربنا يبعد عننا المرض والحسد ويحفظ أولادنا، وأنا بكتب حاليا مقالات، وكنت كتبت رواية قبل الجراحة، وأنا عايش على النسيان بعد الأزمة اللى كنت فيها.. النسيان هو اللى بيخلينى عايش.