تحدثت الإعلامية دينا عبد الكريم فى أولى حلقات الموسم الثاني من برنامج "شغل عالى" الذى تقدمه على قناة "cbc" عن مهنة الإخراج، قائلة: "زي ما شغلانة الإخراج فيها قدر كبير جدا من الإبداع والفن إلا أن زيها زي أى شغلانة تانية لا يخلو من قدر ساعات من الكذبات.. والكذبة الأولي للمخرج "أنا هادي فى اللوكيشن".
وأضافت دينا عبد الكريم: "الكذبة الثانية فى شغلانة المخرج هى "رؤيتى كده" وده لو سألته عن أي حاجة انت مش فاهمها فى العمل الفني.. والكذبة الثالثة "صوتي مش بيتسمع".. والكذبة الرابعة "الذكريات مع معهد السينما.. كل المخرجين عندهم ذكريات إليمة جدا".
وتابعت الإعلامية دينا عبد الكريم: "المخرج ملتزم بمواعيده والمخرج بيجي وقت ما يحب يجي".. والكذبة السادسة: "انا اللى مختار الـ "crew" كله بنفسي اوعى تصدق الكلمة دي خاصة لو الإنتاج واقف جنبه.. والكذبة السابعة: "فركش.. لا يقول المخرج هذه الكلمة بسهولة".. والكذبة الثامنة "القواعد خلقت لتكسر".. والكذبة التاسعة "المخرج دائما متعطل والشمس بتروح منه.. والكذبة العاشرة أنا قبضت أخر دفعة فى الإنتاج.