قال الدكتور أحمد عبد الباسط، بطل السباحة العالمى في سن الـ80، أنا بطل سباحة منذ أن كان عمرى 10 سنوات، وأول ميدالية أخذتها 1953، وسلمها لى الرئيس محمد نجيب.
وأضاف خلال لقائه ببرنامج الحياة اليوم مع الإعلامي مصطفى شردى: أحلى حاجة بشوفها، أنى أنجزت وعلمت في العلوم الإدارية، وحاربت، والسباحة لعبة تحتاج مثابرة وجلد، بفكر وأنا واقف على المنصة، وبأخد الميدالية الذهب، وبنسى التعب اللى بيحصل والتعب.
وتابع: أقصى حاجة علشان السن أنى أعوم 3 كيلومترات بمختلف أنواع السباحى، فراشة وغيرها، الناس بدأت تحذرنى أنى لا أجهد نفسى، وفى مرة رجعت دم وبطلت سباحة لفترة، وفى مرة تعبت، وقالوا إنى هموت، وحطوا على صدرى ثلج، لكن أخدت الموضوع تحدى، بنصح الناس أنها تمشى من 30 دقيقة إلى ساعة 3 مرات في الأسبوع على الأقل، علشان نحرك القلب، وأحسن حاجة تعمل صيانة للجسم، هي السباحة، المهم أن الإنسان يتحرك، وفيه ناس كثيرة في سنى وأكبر منى بتمارس السباحة حاليا.