رمضان عبد المعز: فى الدعاء الله يعاملنا بقصدنا لا بلفظنا وهو أعلم بما فى الصدور

قال الشيخ رمضان عبد المعز، الداعية الإسلامي، إن المحن والفقر والوباء اختبار للتضرع لله، مضيفا: "ادعو ربكم تضرعا وخفية، سيب الأمور تمشي والأقدار إحنا راضيين بيها، هو قيام الليل خلص؟ ادعى ربنا وقول اللي نفسك فيه". وتابع رمضان عبد المعز، في حلقة اليوم من برنامج "لعلهم يفقهون" المذاع عبر قناة dmc: "هو إحنا هنحفظك تقول إيه لربنا يا أخي الكريم، أو يا أختي الكريمة، قول لربنا شكواك، وقوله اللي نفسك فيه، كلم ربنا، اغلط في الدعاء وربنا هيديك أجر، الحمد لله إن ربنا بيصوب خطأ الدعاء بتاعنا، وبيعاملنا بقصدنا وليس بلفظنا". وأكمل الشيخ رمضان عبد المعز، قائلا: "الله أعلم بما في الصدور، لو انت بتستغيث بربنا وغلطت في جملة لا يضل ربي ولا ينسى، وبرضو مشكلتك هتتحل".