قالت الفنانة الشابةجلا هشام، إنها قررت الاستراحة قليلا بعد مسلسل راجعين ياهوى لاستعادة طاقتها، متابعة «أنا مش فارق معايا الانتشار والتواجد بس بهتم جدا إنى أقدم محتوى أحبه واقتنع بيه، مش عاوزة أبقى نجمة كبيرة وبس عاوزة أكون مقتنعة بكل عمل بقدمه».
وتابعت «جلا هشام» خلال استضافتها برنامج «مساءDMC»مع الإعلامية إنجى القاضى والمذاع على فضائية«DMC»: «أنا عاوز هاكون مبسوطة ومش حابة أكون نجمة مريضة أو تعبانة نفسيا، وانا بحب المناظر الطبيعة والهدوء، وبهتم بالحيوانات، وساعات بسافر واستغنى عن الموبايل بهتم بالخروج والرحلة نفسها»، لافتة إلى أنه تزور الطبيب النفسى الخاص بها بعد كل دور فنى تقوم به لأنها تتأثر بالمشكلات التى تظهر فى الشخصية وتستمر فى معايشة مشاعر الشخصية بعد انتهاء وقت التصوير.
وأشارت الفنانة الشابة جلا هشام، إلى أنها سافرت للهند وقررت التطوع فى الأماكن التى تهتم بالحيوان والنبات «سافرت الهند وشوفت تعبان بيعدى من جنبى ومعمليش حاجة، والشعب الهندى محبوب جدا وكانوا بيحبونى وبيهتموا بيا، وفى مره كنت ماشية من غير موبايل ونمت فى حديقة وقفلوا عليا بالغلط، وانا نباتيه من طفولتى وآخر مرة أكلت لحم كان عندى 6 سنين».
وأردفت الفنانة جلا هشام، «لما شوفت الدكتور يحيى الفخرانى لأول مرة كنت مندهشة والعمل معاه كان أحلى عمل استمتعت بالشغل فيه، وهفضل أخد ورش تساعدنى إنى اتطور ومهاراتى تكون أفضل، ونفسى أقدم شخصيات وأدوار جديدة وتبسط الناس وتعالج المشكلات المجتمعية».