ناقشت الإعلامية دينا عبد الكريم تنفيد الوعود خلال تنفيذ الأعمال المختلفة، قائلة: "حبيبي وعينى.. أوامر.. واعتبروا حصل يا باشا.. نموذج لبعض الكلمات التى فقدت مصداقيتها فى العمل وتعتبر أفورة فى الوعود بالشغل"، معقبة: "مفيش حد يشتغل بدون مقابل.. وعدم بناء خطط على أحلام الآخرين.. ولازم يكون خطة للشخص ومببنيش حياتى بأحلام الآخرين".
وأضافت خلال برنامجها "شغل عالى" المذاع على قناة "سى بى سى": "التعالى على لقمة العيش بدافع الأفورة لن يحقق أى شىء.. وهل تتوقع أنه ممكن يجيلك خير بالأفورة؟!.. وفيه قاعدة جميلة اوعد أقلل وسلم أكثر وده بيبنى سمعة كويسة للمكان أو للشخص".
وتابعت الإعلامية دينا عبد الكريم: "لما بتدى أكتر مش بتكسب بس فى الشغل لكن بتعمل علاقات أكتر.. والناس بتوعد كتير ولكن لديها تحديات كثيرة جدا مش بتسلم فى وقتها".