كشفت الإعلامية سالى عبد السلام، معلومات عن زوجها "مؤمن" بعد يومين من زواجهما، حيث نشرت سالى عبد السلام صورة تجمعها بزوجها من حفل الزفاف على حسابها الشخصى على موقع تبادل الصور والفيديوهات "إنستجرام"، وعلقت قائلة: "الحمد لله الذى تتم بنعمته بالصالحات، ما شاء الله اللهم بارك".
وأضافت سالى عبد السلام: "لما يتقالى مصر كلها فرحنالك ده رزق، لما الناس دى كلها اللى بحبها تيجى ده رزق، وكل واحد عمل شغله بحب فى الفرح ده رزق، وإنه يتقالى قفلتى الجيزة كلها ومفيش مكان فى باركينج الاوتيل الناس بتركن برا صف تالت عشان تجيلكوا ده رزق وإحنا آسفين".
وتابعت: "طول عمرى كان نفسى اتجوز ظابط محترم وطيب وبيخدم الناس لله، وربنا رزقنى بظابط مهندس المقدم مؤمن الباز، ابن عمدة الشرقية الحاج سالم حبيبى الله يسعده".
واستكملت سالى عبد السلام: "صبرنا أنا ومؤمن 36 سنة وهو صبر 4 أيام أكتر، لأنه هو أكبر بـ4 أيام، وكل المعلومات اللى الإخوة الصحفيين كتبوها مش صح لا رجل أعمال ولا خريج الجامعة الأمريكية، الحمدلله حمدا كثيرا، وبرضه محدش هيصدق عرفنا بعض إزاى".
