قالت المطربة مى عبد العزيز: "أنا بحب أسال الفانز بتوعى علشان يقولوا لى أفكار جديدة ومختلفة، والأغنية الجديدة كانت موجهة لكل حد عندهexفى حياته، وأنا بمر بمراحل مختلفة طول الوقت، يعنى الشهر اللى فات غير الشهر ده، وقررت أطلّع ده فى الفن بتاعى، جاء ذلك خلال مداخلة هاتفية لبرنامج هيتس باى هيتس تقديم ياسمين أبو الفتوح على راديو هيتس.
وأضافت "بدايتى كانت أغنية اسمها beautiful mohammad كانت بالعربى وبالإنجليش وكنت بعبر بيها عن نفسى وعن حاجة مضايقانى، وحاسة إنى وصلت لمرحلة إن الناس فاهمة الـstyle بتاعى فى الغناء وبحاول يكون جديد ومختلف، وحسيت إنى نجحت وحققت إنجاز فى أغنية أشجع واحدة".
وتابعت مي عبد العزيز: "الستات بتمر بصعوبات على مدار الـ24 ساعة وكان لازم أدعمها، ومن وأنا صغيرة بحب الناس تبقى بتبص عليا، وما حستش إنى خايفة وأنا على المسرح، وأهم حاجة يبقى معايا مياه وأنا على المسرح والكلام بتاع الأغنية لأنى بنسى كلمات الأغانى بتاعتى".