49 عامًا مرت على ذكرى حرب 6 أكتوبر، وانتصار الجيش المصرى على العدو الإسرائيلى، وكان هناك عدد من الفنانين شاركوا فى هذه الحرب أثناء تأديتهم الواجب الوطنى وانضمامهم إلى الجيش المصرى، من بينهم الفنان الكبير محمود الجندى.
شارك الفنان الراحل محمود الجندى فى الجيش المصرى كضابط احتياطى فى الفترة من 1967 لـ1974، وتحدث عنها الجندى خلال لقاء تليفزيوني قديم قائلًا: "أنا قعدت 7 سنين في القوات المسلحة، المرحلة دي كانت أحسن فترة في حياتي، رغم إنهم كانوا في البداية فترة حرمان من حلم لأني كنت متخرج من معهد السينما سنة 67 بكل أحلام إنى هطلع أكسر الدنيا وأعمل الحاجة اللى بحبها، قامت الحرب فتركت حلمى ودخلت الجيش، ظابط احتياطى".
وعن ذكرياته مع الحرب أشار: "وقت حرب أكتوبر كنت فى القوات الجوية، ومكناش عارفين هنحارب ولا هنعمل أى وكنا فى حالة يأس، الحرب كانت مفاجأة بالنسبة لنا إحنا كمان، كنت فى وقتها فى مطار فايد.
وتابع محمود الجندي: "وخلال وجودى فى القوات المسلحة لفيت على مطارات مصر كلها، وكنت المطار اللى بروح فيه نطلع طلعة ولسا واكلين مع بعض وتلاقينا راجعين من غير واحد فينا، اتعلمت وقتها إزاى أضغط على أعصابى وأكتم عواطفى فى سبيل حلم كبير عايزين نحققه، لأن الحزن وقتها مكنش هيعمل حاجه ومش هيعيد اللى راح، وإزاى الشخص يتجرأ على الحزن واليأس".
