قالت الفنانة شيرين عبد الوهاب، إنها لم تسافر إلى لبنان منذ انفجار مرفأ بيروت، والأحداث الدامية التي شهدتها البلاد، وعلقت قائلة: "مدخلتش بيروت من يومها، مش قادرة أشوفها".
وأضافت خلال لقائها ببرنامج "صاحبة السعادة" مع الإعلامية إسعاد يونس، الذي يذاع على قناة "dmc": "أنا نفسي أعيش عيشة الست فيروز، أكبر وأعيش في وسط ولادي، ويكونوا فنانين وياخدوا بالهم مني، هما اللي بيعملوا مزيكتي ويسجلولي".
وقالت: "بنتي مريم عظيمة بتعزف، ونفسي أخليها تدرس هندسة صوت، معندناش هندسة صوت في مصر، علشان لما تكبر تسجلي".
وأضافت: "أكتر حاجة مؤلمة مريت بها، لما شوفت والدي عاجز ومقدرش أعمله حاجة، علشان كدة أن بضعف قصاد الأطفال والمسنين، مقدرش أشوف مسن بيتهان، أو طفل بيتأذى، المشهد ده بيكسرني من جوة".