كشف الإعلامي أحمد موسى، عن أخطر تسجيل صوتي لأحد المنتمين للجماعات الإرهابية، يدعى أبو إسلام، قائلا: «أخطر تسجيل صوتي تسمعه أو تشوفه وتعرف الإخوان الإرهابية بيفكروا إزاي وعايزين إيه».
وقال الإعلامي أحمد موسى، خلال برنامج «على مسئوليتي»، المذاع على قناة «صدى البلد»: «نركز مع بعض هتسمعوا حكاية دعوات الفوضى مين وراها وعايزين إيه من مصر الخلاصة اللى هتسمعه دلوقتي ده أخطر تسجيل صوتي مش هتسمعه في أي مكان تاني من الإرهابي الإخواني أبو إسلام الهارب، علشان تعرف دعوات الفوضى جاية منين وعايزين إيه من مصر».
وأضاف موسى: «الإرهابي أبو إسلام، كان شديد الوضوح وفي الوش، وقال هنعمل وهنعمل في مصر.. خلي بالك هم دائما بيقولوا إحنا ملناش علاقة بالحكم ودي دعوات ناس تانية لاء أنا اللي بقول لك هم اللي بيعملوا الدعوات وعايزين يحكموا ركزوا مع كلام الإرهابي أبو إسلام ده أخطر تسجيل صوتي».
وقال الإرهابي أبو إسلام: «هدفنا إقامة الخلافة، والله ليس الهدف مصر ولا الهدف العربي، والهدف أكبر من ذلك وهو أستاذية العالم والموضوع، مش موضوع مصر وليس أهل مصر الموضوع أكبر ما يظن الكثير من الناس، وبعد ما ربنا يكلل جهودنا بالنجاح هل انتهى الأمر لا والله العظيم عندما يكلل الله جهودنا، سيبدأ عصر الدماء واللي فات ليس دماء الدماء لا تأتي قبل الدماء تأتي بعد».
وتابع الإرهابي أبو إسلام: «الدكتور صفوت حجازي، ربنا يرده سالم غانم كان بيقول اللي هيموت علشان خاطر مرسي هيموت فطيس والله العظيم سمعناها بودانا فالله ما خرجنا وما تحدثنا، من أجل مصر وليس من أجل مصر لازم العمل الجماعي، ولازم اللي بيحصل انهارده والدعوات يكون لها قيادة أي كانت، وهل انتهي الدور أبدا والله العظيم لن ينتهي الدور ده، تمهيد لنقوم بدورنا بعد كده المشكلة مش في إزالة النظام المشكلة، ماذا بعد إزالة النظام وبعد أن يمكنا الله من الهدف دورنا أستاذية العالم».
عقب الإعلامي أحمد موسى، على التسجيل الصوتي للإرهابي أبو إسلام: «هو ده الدور بتاع جماعة الإخوان الإرهابية، مش مصر والعالم هو الخلافة الإسلامية وأستاذية العالم، وأبعد هدف للجماعة اللي هي مبادئها حسن البنا أستاذية العالم والدماء تأتي بعد التمكن والسيطرة ثم تسيل الدماء وهو ده الموضوع».
وتابع موسى: «هدف الدعوات، مش مصر والعالم الهدف هو إقامة الخلاقة بعد التمكن والسيطرة، يبدأ عصر الدماء ويبدأ بعد التمكين وده أحد قيادات الإخوان الهاربين، بره وأخطر تسجيل صوتي وفيديو بوضوح، واللي بقوله لحضرتك عليه انهارده إن هدفهم مش مصر بل أستاذية العالم وعصر الخلافة ثم بدء عصر الدماء».
وأشار أحمد موسى، قائلا: «اللي عملوه بالمناسبة في عام 2011، وبعد كده واستمروا قولت إن الهدف واضح إسقاط الدولة المصرية ومؤسسات الدولة المصرية، ده اللي قاله الإخواني الإرهابي أبو إسلام وهو الدم لسه محصليش وجاي بيقول نتكمن ثم الدماء مش عايزين مصر بس الخلافة والوصول إلى أستاذية العالم هذه مبادئ الإرهابي حسن البنا، اللي قالها الإرهابي وش كده الفوضى يبقى فوضى سيبك من مجموعات داخلين معاهم الموضوع أكبر مما نتصور دفع ودعم ليل ونهار وفوضى للوصول إلى الخلافة وأستاذية العالم».
وتابع الإعلامي أحمد موسى: « قال الإرهابي أبو إسلام الإرهابي، الدم لم يبدأ بعد الدم، لسه هيحصل بعد أن يتمكنوا للوصول إلى الهدف بتاعهم وهدف الدعوات لا علاقة له بأكل ولا شرب العالم كله عنده مظاهرات وإضرابات شوف ألمانيا والصين وبريطانيا، والعالم كله عنده مشاكل لكن هو بيأخد الموضوع علشان يخدم على الأجندة بتاعته والهدف الأساسي هو الخلافة والوصول لأستاذية العالم وأن الدماء ستكون بعد التمكين.. خد بالك لازم تعرف إن تحرك جماعة الإخوان كويس وهم عايزين إيه من مصر ورسالة جماعة الإخوان الإرهابية واضحة ليل ونهار وبث شائعات وفوضى وده هدفهم».