تحدثت الفنانة نهال عنبر عن بدايتها الفنية، وذلك خلال حوارها ببرنامج صاحبة السعادة مع الإعلامية إسعاد يونس، عبر قناة دى إم سى.
وقالت نهال عنبر: كانت عيلتى عاملة مشاكل فى تمثيلى ومامتى كانت قاسية وواصلة بينا لقطيعة، ووقتها كنت ماسكة شركة بقالى ١٠ سنين فيها، ٥ سنين وانا مديرة فرع كنت ممثلة، وكان عندى ١٧ سنة وعملت فوازير مع سمير غانم، واتقالى انا مش مصدق إنك أول مرة تمثلى.
وعن دورها فى نقابة المهن التمثيلية قالت: "يوما اتلقى تليفونات لانى ماسكة ملف الصحة بها وبتابع معاهم، وعندما ألقى صعوبة فى عملية تحتاج رقم كبير جدا باتصل بأشرف زكى ويدلنى على نجم يقوم بتقديم مال لإجراء العملية، وهناك قائمة من النجوم تدفع شهريا لمساعدة الفنانين الذين لديهم مشاكل وكبار السن".
وكشفت عن موقف مع ابنها قالت : "مرة ابنى كان رايح ديسكو مع أصحابه ولكن أنا رفضت راح مسك الباب خبطه ومسكت سلة الزبالة وكنت هضربه ولكن دخلت له قولت له شهرين لا تكلمنى ولا تاكل معانا وماما كلمتنى عشان تحل المشكلة وأنا رفضت وبعد 60 يوم هكلمه، وكان فى سن المراهقة وحسام كان شخصية قوية ولكن كنت لازم أمسكه كويس"