كشفت الفنانة ميرهان حسين، عن أنها عملت في مجال الدعاية والإعلان قبل التمثيل لمدة عام ونصف، مردفة: "كنت عاوزة أتجوز وأقعد في البيت مكنتش بفكر في التمثيل، لكن بابا عاوزني أعمل حاجة ضد إني أتجوز وأقعد في البيت".
وأضافت خلال لقائها ببرنامج "سهرانين"، مع أمير كرارة، عبر قناة "ON"، أنها تقدمت لأحد برامج تقديم الموهوبين، مستطردة: "قالولي مثّلي، قلت معرفش، ولكن غنيت، وفضلت مستنية 9 ساعات وعدد رهيب منتظر، وكل اللي يدخل يقولي هتيجي تتكلمي يقولولك امشي، لما دخلت، قالولي غني وغنيت كتير، ونجحت، وطلبوا مني أمثل قلت لهم معرفش أمثل، هم عاوزين الشخصية الطبيعية".
وتابعت ميرهان حسين: "خرجت من البرنامج مشهورة وعندي فانز، ورحت مول مع صاحبتي الناس اتلمت علي ومعرفتش أخرج"، مردفة: "الناس لازم تصدق إنك فنان مش الدور اللي بتعمله".