كشف الفنان خالد سرحان، عن أنه هو الذي اختار شخصية ودور الدرويش في مسلسل "سره الباتع"، قائلا: "أنا اللي اخترت الدور ده من خالد يوسف وكان مديني دور تاني وأنا اللي سألته مين هيعمل دور الدرويش فقالي لسه فقلت له عايز أعمل دور الدرويش".
وأضاف خالد سرحان، خلال مداخلة هاتفية ببرنامج "التاسعة"، مع الاعلامي يوسف الحسيني، على قناة الأولى المصرية، أن دوره الأصلي كان شخصية اخواني ولكنه تحاور مع خالد يوسف واقنعه فأعطى له شخصية الدرويش، متابعا: "قلت لخالد يوسف مش عايز اعمل دور الإخواني عايز اعمل دور الدرويش".
وتابع: "قلت لخالد يوسف الدور عاجبني وأنا حاسس هعمله حلو وبعد فترة قالي ما دام نفسك فيه قوي كده يبقى هتعمله كويس ووافق على الدور، وكلام الشخصية وحوارها ممتعة جدا ونكتشف فجأة أنه كان قاتل مأجور وتائب وشخصية ممتعة تمثيليا وذاكرتها بكل جوانبها ولم اعتمد على التقليد".