قدم أحمد رأفت، مذيع الشارع، حلقة جديدة مساء اليوم، الأحد، من برنامج "ناسها البسيطة" على قناة CBC، وتناول خلالها الحديث عن الأمانة وطرق الحفاظ عليها مع أحد المواطنين ويدعى طارق ويعمل سائق تاكسي.
وقال عم طارق، خلال لقائه ببرنامج "ناسها البسيطة": "الأمانة حاجة ثقيلة جدا ولو حد أمنك أمانة حاجة في منتهى الصعوبة سواء تحفظها أو توصلها أو سؤال ويحتاج رد أمين لازم تؤدي كل حاجة بأمانة، وأنا شغال سواق مع ناس في شهر زي رمضان الناس دي بتعمل خير ويدوني فلوس أمانة أوزعها على من يستحق والموضوع صعب أني اوصل الفلوس للمحتاجين فعلا".
وروى موقف متعلق بحفظ الأمانة حدث معه شخصيا قائلا: "أنا كنت شغال سواق في شركة سياحة سواق وناس كتير كانت بتسيب حاجات في العربية وكنت بديها لمدير الشركة وهو اللي يقدر يتواصل مع الناس ويرجعها، ولم انتظر مكافاة على الأمانة ودي أمانة اللي يكافئني عليها ربنا، وهي حاجة صاحبها ولازم ترجع له ومينفعش أخذ مقابل".
وطالب مذيع الشارع أحمد رأفت، من ضيفه عم طارق الدخول في بعض تحديات الألعاب، وفي النهاية أهداه عدد من الفوانيس ليفتح واحدا منهم فيجد مبلغا ماليا، وعبر عن سعادته بهذه الهدية في شهر رمضان المبارك.