قال الفنان عمرو يوسف نجم مسلسل الكتيبة 101، إن محمد سلامة مخرج قوى وذكى ومتمكن جدا لأدواته في مسلسل الكتيبة 101، وبقدم الشكر للكاتب إياد صالح، على مشقة الكتابة عشان لازم يؤرخ الواقع في إطار دراما وجذاب وبه عوامل إنسانية.
وأضاف خلال حواره مع الإعلامية مني الشاذلى عبر برنامجها معكم المذاع على قناة سى بي سى، : "الحلقة 16 و17 من أصعب حلقات في التصوير".
وأوضح: "الشخصية الحقيقة بيعمل كل حاجة يسوق طيارة بيلعب كل حاجة لانه من الفرقة الخاصة.. واغلب العمليات صامته بيعملوا كل حاجة ومحدش بحس بيهم.. ولم بيخرج على مهمة بيعملها ولازم ينفذ الهدف والمهمة بتعتبر معقدة.. تدربت على استخدام السلاح وفك وتركيب السلاح والتدريب البدنى طبيعى بتمرن على طول ولكن لم لبست معرفتش اتحرك بيها وشاقة وبعدها تمرنت لمدة شهرين وزيادة في التحميل عشان اعرف اتحمل اللبس".
وأكد : "وصلنا لدرجة كبيرة جدا في إتقان التنفيذ في المعارك ومسك السلاح.. ولو فيه حاجة بسيطة جدا في مسك السلاح لازم نعيد المشهد.. الضباط بيحكولنا لولا أهالى سيناء ماكنش هيبقى الوضع ده دلوقتى هناك".
وأشار : "الشغل مع آسر يسين بسيط ومريح لأننا أصحاب وأول مرة أشتغل معاه.. ولم نختلف على أسماء تتر البداية ولا يوجد أسماء على التتر لأن المسلسل فيه نجوم كتير جدا وكلنا هدفنا نعمل شغل حلو".