هانى عزب يناقش العلاقات التوكسيك بأولى تجاربه الغنائية "أنا المؤذي".. فيديو

طرح الكاتب الصحفى هاني عزب، أولى تجاربه الغنائية بعنوان "أنا المؤذي"، وهي من كلمات وألحان ماندو، وتناقش العلاقات "التوكسيك" السامة بين المحبين. وتقول كلمات الأغنية مكنش في بالي إننا نتفارق مكنتش عايز بس لازم عشان لاقيتك ناكرة خيري مش أنا المؤذي إنتي اللي أذيتي ضيعت في وقتي على الفاضي قلبي عني مش راضي إنتي بقيتي من الماضي أنتيكا في النيش قصادي فاكر أول مرة شوفتك فيها واتقابلنا فاكر كل حاجة حلوة كانت بينا وقولتي قد إيه الدنيا دى عليكي قاسية شروخ في قلبك وفي حياتك ومش ناسية حذروكي مني كتير قالوا إني هأذيكي أتاري المؤذي إنتي بكل غل إنتي رميتي مكنش في بالي إنها مش هتكمل رسمت الرسمة بلون الوردة ولقتها بتدبل مكاني في قلبك صدى وجنزر مكنش حب ده كان منظر فتحت ليكي كل أبوابي ومش بستخسر حبك كان سم في الوريد قتل وكسر المرة دي معتش عايز أي حاجة تجربتي معاكي كانت توكسيك وبسذاجة أرجعلك تاني ده استحالة قلبي بقي عندي أهم حاجة وقال هاني عزب عبر حسابه بموقع "فيس بوك": "مبسوط أوي بكل الردود اللي جاتلى من أصدقائي وأخواتى والمتابعين الكرام.. الحمد لله وأغنية أنا المؤذي تجربة بعتز بيها وهي حالة عشتها وشفت غيرى عاشها.. وإن شاء الله ربنا يكتبلنا النجاح جميعًا وشكرًا لكل حد قالى كلمة حلوة فى حقى".