تحدث الفنان هشام عاشور عن كواليس دخوله عالم الفن بعد رحلة طويلة مع رياضة الإسكواش قائلاً: "رحلة الفن بالنسبة لي زي رحلة الإسكواش ببدأ فيها من الصفر علشان أبقى حاجة، والاتنين زي أي حاجة في دنيا وأى مشوار محتاج تحضير وتمرين واكتشاف لحاجات فيا علشان ابنى عليها".
وأضاف هشام عاشور: "بحاول اتعلم طول الوقت، ومش بحب اللى بيعتمد على موهبته بس، ويقول انه موهوب بس، يعنى مثلاً أنا في عام 2013 اتقالى من حد اسمه مايكل بيكيت زميل روبرت دى نيرو انت موهوب وفيك حاجة مختلفة، بس مش معني كده إنى اسند على الكلام ده ولكن بحاول اشتغل واتعلم طول الوقت".
برنامج الراديو بيضحك يذاع يوم الخميس فى الساعة السادسة مساء حتى الثامنة، واستضاف مؤخراً خلال حلقاته نجوم مثل ماجد المصرى، أحمد فهيم، وقبلهما خلال شهر رمضان استضافت أحمد العوضى، ياسر جلال، محمد رمضان، أحمد السقا على الترتيب، وهى الحلقات التى شهدت حديثهم حول كواليس أعمالهم بدراما رمضان الماضى.