قالت الفنانة ميمى جمال، أن والدتها يونانية اسمها ستلا ووالدها مصرى اسمه مصطفى، مشيرة إلى أن اسمها الحقيقى "أمينة" مصطفى جمال.
وأضافت ميمى جمال خلال لقائها مع الإعلامى عمرو الليثى ببرنامج "واحد من الناس" الذى يذاع على قناة الحياة: "المخرج عز الدين ذو الفقار هو اللى اختار لى اسم ميمى وكنت لسه طفلة صغيرة، وكان فى فيلم لشادية اسمه أقوى من الحب، وناس قالوا لى روحى عمارة الأيمبوليا علشان أقابل المخرج وقالى أنا عاوز طفلة تعيش سنها لا تغنى ولا ترقص".
وتابعت: "أنا من مواليد شبرا ولدى أخ واحد، وعائلتى صغيرة جداً أنا وبابا وماما وأخويا وجدتى وبعد كده حسن الله يرحمه ".
وقالت: "أنا بعد ما حسن توفى، قعدت 6 سنين فى البيت وبطلت كل حاجة، ولما رجعت للتمثيل تانى، وحسيت كأنى لسه وجه جديد، وحسيت أن الوسط الفنى اتغير".
وأشارت إلى أن زوجها الفنان الراحل حسن مصطفى، كان شديد الطيبة ومحباً لأبنائه، وكان يعطى النصيحة مجردة، ودائم التعبد والصلاة،
وعن وفاة زوجها، قالت ميمى جمال: "أنا بعد وفاته حسيت أن ظهرى اتقسم ".
وأضافت: "بناتها تزوجوا وخلفوا وبقيت جدة عندى 3 أحفاد بنتين وولد، وكنت سعيدة جدا فى فرح حفيدتى، بس أفراح دلوقتى غير أفراح زمان خالص، العريس والعروسة والمعازيم تنطيط طول الفرح".