زوجة الفنان مصطفى حشيش: كنت عايشة فى القاهرة ولكننا من نفس البلد

كشفت هدى محمد زوجة الفنان مصطفى حشيش عن تفاصيل قصة حب الفنان وسر تسمية أولاده. وقالت خلال حوارها ببرنامج السفيرة عزيزة المذاع على قناة دى إم سى: "كنت عايشة فى القاهرة ولكننا من نفس البلد ولكن فيه وسطاء رشحوه ليا". وقال الفنان مصطفى حشيش: "مقرر أن زوجتى اللى تربى لازم تبقى من جنزور قريتى ولا تعمل وتعيش ليا فقولت لامى على المواصفات.. وومن بلدى عشان تعرف عاداتى وتقاليدى لان أنا فلاح وملتزم بالعادات والتقاليد". وتابع: " ناس عارفينهم ومحترمين وعايشين فى مصر وبيجيوا لقرايبهم.. فبالصدفة جات البلد وروحت شوفتها وقولت هى دى وقد كانت.. متزوجين من 43 سنة". وأوضح: "عندى أبنى رانى عنده 40 سنة، وبنتى لورا 38 سنة، وابنى الصغير ندين 30 سنة.. واللى كان بيختار الاسامى زوجتى".