قال الدكتور طارق شوقى، وزير التربية والتعليم، إن مشكلات التعليم المصرى متراكمة منذ 60 عاما، منتقدا فى السياق ذاته المطالبة بسرعة إصلاح المنظومة التعليمية فى خلال أيام قليلة من قبل المواطنين، مضيفًا: "أنا عمرى ما اتشتمت فى حياتى إلا بعد هذه الوظيفة، وفى ناس بتقولنا التعليم متصلحش ليه؟ رغم إن ليا شهر ونص".
وأضاف شوقى، خلال حواره مع الإعلامى عمرو أديب، ببرنامج "كل يوم"، المذاع عبر فضائية ON E، أن هناك 516 معلما يطلبون الترقية ويتجمهرون على السوشيال ميديا ضد الوزير، مردفًا: "فى تمرد للمعلمين فى كذا منطقة وعندى على التليفون حوالى 140 جروب كلهم بيتكلموا فى وقت واحد ومفيش حد هيقدر يسيطر على كل ده"، موجها حديثه للمواطنين: "مينفعش نعمل كل حاجة فى وقت واحد، ولو حلينا المشاكل فى 6 سنين نبقى عباقرة".
وأوضح أن الوزارة قامت بترقية 123 ألف معلم من أصل 516 ألف معلم، وستقوم بترقيتهم بأكملهم، كما ثبتت أكثر من 7 آلاف معلم من الدفعات الحديثة، فضلا عن إعادة انتداب أشخاص بالوزارة، فيما وجه رسالة قال فيها: "فى مشاكل كتير كلها هتخلص".
وأشار إلى أنه يحل مشكلات المعلمين لتهدئة الأمور فقط، لكن لم يتم البدء فى تطوير التعليم حتى الآن، متابعا: "فى حاجات بنعلمها سواء للمعلمين أو لأولياء الأمور وبنقولهم أوكيه مش علشان أكاديميًا صح، ده علشان نهدى الأمور، لكن مفيش حاجة بتخلص بجرة قلم"، موضحا أن هناك معلمين يطلبون التثبيت بالوزارة بعد تعيينها بدون أن يكونوا صالحين للوظيفة من الأساس.