طارق قابيل فى رسالته للعاملين بمجال الصناعة: "دلوقتى فرصتكم فى كل الاتجاهات"

وجه المهندس طارق قبايل، وزير الصناعة والتجارة، رسالة لمن يعمل فى مجال الصناعة، بالقول: "دلوقتى فرصتكم، والوقت الحالى فرصة الصناعة من كل الاتجاهات". وقال قابيل، خلال حواره مع الإعلامى عمرو أديب، ببرنامج "كل يوم" المذاع عبر فضائية ON E، إن هناك ترشيد للواردات لزيادة حجم السوق، مضيفًا "إحنا مهتمين جدا بترشيد الواردات، وعارفين بالظبط إيه اللى عاوزين نصنعه هنا، وهذه الفرص موجودة وهتدخل فى الفرص الاستثمارية". وتابع وزير التجارة فى رسالته للمصنعين: "التعويم هيساعد الصناعة سواء زيادة الصادرات أو ترشيد الواردات، وإحنا بنحاول ندى كل شئ سواء بنزل أراضى صناعية أو مجمعات كبيرة وأخرى للصناعات الغصيرة جاهزة بتراخيصها داخل المدن كصناعات تكميلية، وعاملين برنامج رد الأعباء للصادرات بشكل قوى جدا يسمح بزيادة قاعدة المصدرين، وبندى 50% زيادة للصعيد". ووجه رسالة أخرى لمن يريد الصناعة فى الصعيد بالقول: "هتاخد الأرض ببلاش، والعمالة أرخص ومتوافرة، وهتاخد 50% دعم زيادة للصادرات، ولو هتصدر لأفريقيا هنديلك 50% من الشحن ببلاش".