فيفى عبده تروى موقفا حدث معها مع ممثل هندى: "الكذب مالهوش رجلين"

خلال حلقتها مع برنامجsnlبالعربى، على شاشة قناةon e، قدمت النجمة فيفى عبده فقرة عن موقف تعرض له أثناء زيارتها للهند، حيث قالت: "رحت اتعزمت فى الهند علشان أعمل فيلم اسمه (ساند سونا) يعنى الدهب والفضة بالهندى.. وكان معايا ممثل كبير جدا وكنت كل ما بشوفه راكب عربية بقوله أنا عندى زيها بالظبط فى مصر.. حتى بيته دخلته لقيته كبير فقولتله عندى بالظبط فى مصر. وتابعت فيفى: "بعد ما رجعت مرت الأيام ولقيته بيكلمنى بيقولى أنا جاى مصر.. وأنا كنت قايلاله حاجات كتيرة جدا.. فخوفت يكتشف إنى كذابة فروحت لسمسار كبير يشوفلى قصر زى القصر بتاعه علشان يشوفوه وفعلا جه الممثل ده ودخل القصر بس ماعجبهوش فقولتله نروح بيت ماما اللى كانت قاعدة فى شقتى، وفعلا روحنا ولقينا الدفا اللى مالقهوش فى القصر الكبير".