في أول تعليق للفنان أحمد عز بعد أن أيدت المحكمة امس نسب توأم الفنانة زينة له ورفض الاستئناف الذي تقدم به، نشر مدير أعمال الفنان رسالة له بعثها لجمهوره ينفي فيها أنه أب التوأم.
وجاء في رسالة عز: مساء الفل ياعيلتي وأهلي، كتير سألوا عليا امبارح وانا بطمنكوا انا الحمد لله كويس وزي الفل وراضي باللي ربنا كاتبهولي كله، انا كمان مش بس راضي انا سعيد "بالابتلاء" اللي انا فيه عشان واثق في ربنا وفي نصره ان عاجلا او اجلا!!! وان اللي انا فيه ده ما هو الا رفع درجات بإذن الله. طبعا انا لا اعلق علي احكام القضاء ومش هاطلع اعمل دوشه ولا اتكلم عشان انا سايب حقي علي ربنا العادل الحق، اللي بقوله لكم دلوقتي هو نفسه اللي بقوله من اول يوم في القضيه وهافضل أقوله لآخر نفس في عمري.. وبأشهد الله علي كلامي ده بل وأقسم بالله العلي العظيم "اني ماتجوزتهاش ولا رسمي ولا عرفي ولا شفهي ولا ثانيه وان شاء الله يكون معاها ١٠٠ حكم و١٠٠ شهاده ميلاد برضه مش ولادي"
بسم الله الرحمن الرحيم (ولا تحسبن الله غافلاً عما يعمل الظالمون انما يؤخرهم ليومٍ تشخص فيه الأبصار) صدق الله العظيم..
وواجه عز هجوما من البعض تعليقا على رسالته وتركز الهجوم حول سؤاله لماذا لم يجري تحليل dna ليقطع الشك باليقين طالما يؤكد أنه لهم يتزوجها وأن التوأم ليس أبنائه، فيما تعاطف معه اخرون.