أعلن عدد من النجوم تضامنهم مع الفنان الشاب أحمد مالك والمطالبة بعدم عقابه بعدما اعتذر عن فيديو "الواقى الذكري" الذى يسخر من الشرطة، كان أخرهم النجمة نيللى كريم التى طالبت عبر صفحتها بموقع فيس بوك بعدم عرقلة مشوار مالك الفنى وضرورة قبول اعتذاره.
وكتبت نيللى على صفحتها بالفيس بوك: معلش أنا أتاخرت على كلامى عن أحمد مالك اللى بعتبره زى ابنى دى صورة من فيلم "اشتباك " اللى قعدنا نصور فى شهور و كلنا مع بعض فى عربية ترحيلات و شرط الفيلم ده إن كان لازم نكون مع بعض طول الوقت سيبك إن أحمد فنان موهوب و لى مستقبل كبير علشان هو فنان حساس و صادق ، اهم شى ان هو انسان حقيقى يعنى صادق بيعمل الى بيحسة ، أحمد غلط واعتذر ، طيب انتم ما فيش حد فيكم غلط قبل كدة ما فيش حد من عياله و أخواتك أو أصحابك غلط قبل كده كلكم فجأة بقيتوا ربنا، ما تفكر دقيقة قبل ما تحاكم حد اقعد مع نفسك و استغفر ربنا قبل ما تكتب كلمة عن حد ما تعرفوش، بجد يا ساتر عليكم يا ناس.
ووجهت نيللى كريم رسالة إلى الفنان الشاب قائلة: أحمد انا سعيدة أنى اشتغلت معاك وأنت عامل دور جامد فى فيلمك الجديد "اشتباك" وإنشاء الله نشتغل مع بعض تانى وخامس.
فيما قال الفنان أحمد السعدنى عبر حسابه الشخصى ب "فيس بوك": مع حرية الرأى و ضد تصرف أحمد مالك، ولكن أرجو من النقابة مراعاة سنه الصغير وموهبته الكبيرة، وأعلنت ناهد السباعى مساندتها لمالك حيث نشرت صورتها معه عبر صفحتها بموقع "إنستجرام"، وعلقت عليها قائلة: "والنبى يا أساتذة يا زملاء ياللى المفروض نقف جنب بعض وقت الشدة أحمد مالك غلط واعتذر وهيتحاسب كمان عايزين تقطعوا عيشه وماتشتغلوش معاه ونمنعه من الشغل إيه ده أنتم ماضيكم أسود"، ثم ناشدت الفنان أحمد بدير قائلة: "يا أستاذ أحمد بدير اعتبره أخوك الصغير يا أخى".
وتناثرت شائعات حول أن الفنانة جيهان فاضل هى والدة أحمد مالك لتفاجئ الممثلة بوابل من السباب تجاهها، لذا اختارت أن توضح للناس الحقيقة وفى والوقت نفسها تعلن فخرها به وبأن البعض يعتقد أنها والدتها وتؤكد مساندتها له، حيث كتبت عبر صفحتها بـ "فيس بوك": أحب أقول للناس العسل دى بغض النظر عن رأيى فى اللى عمله، مالك من أجدع و أجمل وأنضف الشباب اللى عرفتهم ورغم أن كان عمره ١٥ سنة وقت الثورة، لكن أرجل من ميت واحد من اللى بيشتموا فيه و ليه الفخر ان يتقال أنه ابنى".
