دافعت لمياء حمدين مراسلة فضائية أون تى فى، التى تعرضت لهجوم حاد سابقاً بعد تداول صور لها أثناء تصويرها تقرير وهى تحمل ابنها، عن شيماء عبد المنعم محررة انفراد بقسم الفن التى تعرضت لحملة هجوم من رواد مواقع التواصل الاجتماعى بعد ارتباكها أثناء سؤالها النجم العالمى ليوناردو دى كابريو فى المؤتمر الصحفى بعد فوزه بجائزة الأوسكار، كأول صحفية مصرية تتابع من موقع الحدث توزيع جوائز الأوسكار بلوس أنجلوس.
وقالت لمياء حمدين فى منشور لها عبر صفحتها الشخصية على موقع التواصل الاجتماعى فيس بوك: "حد يقول لشيماء عبد المنعم مراسلة انفراد إن أتخن إعلامى هنا لو كان مكانك بردو هيسأل لفنان العالمى ونجم هوليود نفس السؤال ، لييييه بقا ؟ لأنه بمنتهى البساطة شقى و تعب و طلع عينه سنين علشان يفوز باللقب دا، فطبيعى جدا أسأله ايه شعورك بعد حصولك على الجائزة ،و السؤال دا اساساً هو أول حاجة بتطلع من مراسل أو مذيع أو إعلامى لو حد حصل على جائزة او حتى حصلتله نكبة ( ايه شعور حضرتك )".
وأضافت لمياء: "حد يقول لشيماء برافو إنك سعيتى واجتهدى بشكل شخصى انك تروحى بنفسك تعملى تغطية رائعة بالرغم من كونك زوجة وأم وبتسعى إنك تكونى الأفضل دائماً
حد يقول لشيماء اوعى تزعلى من شوية ناس تافهة استهانوا بعملك و مجهودك .. ورونا شغلكوا انتو بدل التنظير ".
واستطردت مراسلة أون تى فى" حد يقول لشيماء إن ليو هو الأهبل لما ضحك و سخر من سؤالك، بس انا لو مكانك كنت هقوله اكيد انا احب اعرف شعورك النهارده بعد سنين من الخذلان ؟"، مضيفة "بس حد يقول لشيماء إن الحاجة الوحيدة اللى حسيت إنها ملهاش لازمة هيا (( أول صحفية مصرية )) مكنش ضرورى أوى، بس شطووووورة ياشيمو.. ٥ موووواه".
