رد الإعلامى كريم حسن شحاتة، على تصريحات مرتضى منصور رئيس نادى الزمالك، التى أدلى بها أمس الثلاثاء، وأكد خلالها أن "كريم" يهاجم القلعة البيضاء وينتقد أداء المجلس دائماً، لذلك لم يتم الإستعانة بوالده حسن شحاتة لقيادة الفريق الكروى عقب الإطاحة بالبرازيلى باكيتا.
قال كريم أثناء تقديم برنامجه "كورة كل يوم" عبر شاشة "النهار رياضة، :"أنا عمرى ما قدر أشتم فى أى نادى خصوصاً الزمالك لأنه بيتى، لكن فى فرق فى انتقاد الأشخاص وأنا مش بنتقد الكيان، وأكيد بنتقد الاشخاص فى فترة معينة لأن الأداء مش عاجبنى، وعادى جداً لو أنتقدت مرتضى منصور، وياما أشدت بمرتضى لما كان فى حجات صح، لكن مش هفضل طول الخط اشيد، لازم أنتقد لما أشوف حاجة غلط".
تابع كريم شحاتة: "وأنا مش هعمل فيها جامد واقول أنا مش بتهدد ومش بخاف، أحنا بنتكلم باحترام عن الناس كلها، واتمنى أن الناس تفصل بين شغلى وبين الكابتن حسن شحاتة، والمعلم لما بيمسك فى أى حتة ليه نظام معين فى الشغل ممكن ما يتوافقش مع الزمالك، لكن الكابتن حسن ما بيسعاش علشان يمسك مكان أو منصب، لأ الكابتن حسن كبير فى مكانه ومش محتاج وتاريخه مش هيخلينى أنا اللي أتحكم فيه أو أتكلم، ومش قادر أتكلم علشان ده والدى وشهادتى هتكون مجروحة".