يبدأ الإعلامى الدكتور عمرو الليثى، فى الثانية ظهر اليوم الاثنين تقديم أولى حلقات برنامجه الإذاعى "خط الخير"، على الهواء بإذاعة "راديو مصر"، ويقول الليثى فى مقدمة الحلقة الأولى من البرنامج: "رمضان شهر الخير، والخير موجود فى كل مكان بس ياريت نقدر نوصله عشان نكسب الأجر والثواب، وبعمل الخير هيدخل على قلوبنا الراحة والفرحة، عشان كدة السنة دى فى شهر رمضان هنكون معاكوا على راديو مصر ونسمع طلباتكم وأحلامكم ونطبطب عليكوا ونمسح دمعكوا هنستقبل كل مكالمتكوا من كل المحافظات، هندخل كل بيت ونفضفض معاه ونسمع قصص كفاحكوا وتعابكوا عشان لقمه العيش ومش بس كده هبقى معاكوا فى مشوار مرضكوا وندخل الخير والفرحه على قلوبكوا فى شهر الخير مع خط الخير".
ولأول مرة يتم تحقيق أمنيات المواطنين خلال هذا الشهر الكريم، من خلال مداخلات للمستمعين من جميع المحافظات على الهواء مباشرة، والمساهمة فى إدخال السرور والفرحة على قلوبهم، ويلبى الليثى أمنيات المواطنين بتقديم عمرات وتجهيز عرائس وكراسى متحركة وتركيب أطراف وسماعات ومساعدة حالات إنسانية ببرنامج خط الخير على راديو مصر طوال شهر رمضان.