أشاد الإعلامى أحمد شوبير بجهود رئيس الجمهورية عبد الفتاح السيسى، من أجل احتواء فئة الشباب، والاهتمام بهم وبمطالبهم، قائلا: "مفيش رئيس اهتم بالشباب زى السيسى، وبيسير ضد التيار الجارف ضده".
وأضاف شوبير، أثناء تقديم برنامجه "مع شوبير" عبر فضائية "صدى البلد" قائلاً: "الناس واخدة سلوك الرئيس المحترم المؤدب المتأدب بشكل تانى، والرئيس جدع لكن للجدعنة حدود، ومفيش أب هيفضل يقسم كل يوم لأولاده أنه بيحبهم".
وانتقد شوبير هتافات ألتراس أهلاوى التى هتفوا بها اليوم فى ملعب مختار التتش ضد قيادات الجيش، والدولة، طارحاً سؤالا: "ليه النهاردة بالتحديد عايزين نبوظ الصورة اللى نقلناها للعالم كله بالأجواء الأحتفالية بعد حصد منتخب مصر لكرة اليد ببطولة أمم أفريقيا؟!.. ليه نبعت رسالة سلبية ومن جمهور الأهلى اللى أنا بنتمى له، ومفيش حد فى الأهلى حمل شارة قيادة الأهلى 7 سنين مثلى، وبيعيط ويتنحر قلبه لما الأهلى بيخسر".