ثورة غضب للمحجبات على فيس بوك بسبب منشور "المحجبة مقرفة" المسىء

حالة من الاستياء والغضب انتابت الفتيات المحجبات بعد اتهامهن بعدم النظافة بسبب الحجاب، من خلال "بوست" كتبته المدونة "ندى مندور" على صفحتها على موقع التواصل الاجتماعى "فيس بوك"، سرعان ما تحول إلى معركة شرسة دارت رحاها على مواقع التواصل الاجتماعى، وعرضتها لهجمة وردود عنيفة من قبل المحجبات والرافضين للتدوينة التى وصفت بالعنصرية.

وجاء فى التدوينة التى كتبتها "مندور": اعتراف لما بتيجى جنبى واحدة محجبة حقيقى بقرف، إلا بقى لو واحدة قريبة منى جداً وأنا عارفة أنها بتستحمى 3 مرات فى اليوم ولا لأ.. بما إنها محجبة فمش كفاية مرة فى اليوم بسبب القرف اللى بتلبسه من قماش على الشعر وكارينا وغيره".

وتابعت، "وطبعاً مش هتستحمى 3 مرات فى اليوم ولا حاجة فمن فضلك متقربيش منى ومتحطيش إيدك عليا أيتها المنتنة غير طبعاً نظراتكم ليا ولأى واحدة غير محجبة غيرة وحسرة على أنفسكم، روحى انتحرى وريحينا لو مضايقة أو خليكى شجاعة واخلعيه أو اقعدى فى البيت وارحمينا نشوف المنظر، دا مفيش أمل ف مصر طول مانتم موجودين الحقيقة".

وبعد نشرها للبوست انطلق بسرعة الريح بين المدونين، لتشن أعداد كبيرة من الفتيات هجوما حادا عليها بسبب كلامها عن المحجبات، فقالت إحدى النشطات "أنا بغسل رجلى 5 مرات فى اليوم وأنا بتوضه يعنى رجلى أنضف من وشك بصراحة أنا معنديش تعليق ليكى غير ربنا يهديكى"، وكتبت المدونة رانيا أحمد قائلة "دى حاجة ملهاش علاقة بالحجاب له علاقة بالنظافة الشخصية بلاش تعميم".

أما المدونة فتحية مبارك، فقالت "أنا محجبة وبستحمى 4 مرات فى اليوم وريحتى الحلوة هى اللى بتميزينى عن كل زمايلى فى الشغل، والحجاب مالوش علاقة خالص بالحوار، عندنا ناس مش محجبة وريحتها تعمى دى نظافة شخصية ولو عايزة تعلقى ع الحجاب بلاش التعميم وقولى وجهة نظرك بشكل أفضل من كدا، ومش أى حوار نزق فيه الحجاب يعنى عيب كدا". ولم تتوقف صاحبة "البوست" المهاجم للمحجبات عند ذلك الأمر فقط، بل بعد سيل الهجوم عليها كتبت على صفحتها تدوينة أخرى تهاجم فيها المحجبات بعبارات مثل "بقرف من الحجاب والمحجبات بردوا لو مش عاجبكم عادى خالص، وفى واحد مريض عملى أكونتات فيك ومركب صور ليا وأنا كدة هعيط وهبطل أكتب حاجة" مما أشعل موجة أخرى من الغضب.