"كلنا عاوزين سعادة، بس فين هى السعادة، قولى يا صاحب السعادة، قولى قولى"، ترتبط هذه الكلمات التى قالها الراحل اسماعيل ياسين فى المونولوج الشهير "صاحب السعادة"، بمعنى السعادة الذى يبحث عنه المصريين، و لأن جميع دول العالم تحتفل اليوم "باليوم العالمى للسعادة" فى هذا اليوم الموافق 20 مارس من كل عام، فبالتأكيد سيكون للمصريين وجهة نظر خاصة فى مفهوم السعادة، التى تختلف عن غيرهم من شعوب العالم فى مختلف المفاهيم والقيم التى تتعلق بالعواطف والأشياء المعنوية.
ولأن المشكلات الاجتماعية والاقتصادية أكثر ما يشغل بال المصريين، فلم يخرج مفهوم السعادة بالنسبة لهم غن هذا الإطار، لذا قررنا أن نسأل المصريين عن مفهوم السعادة بالنسبة لهم، والذى اختلف من شخص لأخر..
قال محمد مصطفى طالب بكلية تجارة "اليوم ده لازم يجتمع فيه الحاجات اللى بتفرح كل فئات الشعب، يعنى مثلا الحكومة توزع لحمة وزيت وسكر على الأسر الكبيرة، والبنات يجيبولها عرسان، والشباب بقى يجيبولهم عربيات"، بينما يرى خالد سالم مهندس أن المصريين يفرحون بأبسط الأشياء و أضاف " يوم السعادة فى مصر بتخيل إن فرق الأندرجراوند تنزل تعمل حفلات مجانية فى كل شوارع مصر، وتغنى أغانى قديمة حلوة".
وقالت صفاء نجيب 29 سنة بالنسبة للوضع اللى إحنا فيه أعتقد أن اليوم العالمى للسعادة فى مصر "الناس هتلبس أسود، وترفع يافطات مكتوب عليها يارب سعادة"، بينما ترى دينا عبد العظيم 25 سنة أن السعادة تأتى حينما نشعر أن هناك مشكلات أكبر من مشكلاتنا، و أضافت " اليوم ده ننزل كل الناس اللى بتعانى من مرض السرطان ونرقص ونغنى ونفرح، ده هيبقى معنى السعادة اللى بجد".
فى حين يرى مصطفى أحمد 28 سنة أن سعادة المصريين تتحقق بأشياء بسيطة جداً، و أضاف" أولاً اليوم ده يبقى أجازة رسمية من الدولة، ومعاه قرار حكومى بزيادة المرتبات عشرين جنيه، ولمة أسرية على حلة محشى".
وتقول شيماء عبد الله 33 سنة أن يوم السعادة عند المصريين " هترجع فيه الأسعار زى زمان، وتطلع قرارات إفراج عن المعتقلين، ونلاقى حد بيقولنا إن كل المشاكل اللى احنا فيها دى حلم، واقتصادنا زى الفل ويزودوا المرتبات".