"الخمسة جنيه بتعمل إيه".. هاشتاج ضمن الأكثر تداولا على تويتر

دشن رواد موقع التواصل الاجتماعى "تويتر"، صباح اليوم السبت، هاشتاجا بعنوان "الخمسة جنيه بتعمل إيه"، والذى ضمته قائمة الأكثر تداولاً بالموقع يحمل تغريدات رواد الموقع الجادة والساخرة حول ما يمكن تحقيقه بخمسة جنيهات.

وجاءت أبرز تغريدات رواد الموقع كالتالى: "بتنقذ طفل من السرطان عن طريق رسالة فاضية لـ57357"، "خمسة جنيه إيه؟! إنبى تتوكسوا"، "بتجيب 3 زبادى لايت واتنين باكسوت لوكس"، ياه ده تبقى ليلة يا عمدة بـ٢جنيه جبنة بيضاء وبجنيه عيش بلدى ونص طماطم بجنيه وربع خيار بجنيه وبألف هنا شفاء"، "بتجيب علبة كشرى وسط أو اتنين فول وواحد باذنجان أو واحد بيبسى وواحد فول أو اتنين فول، أكيد حاكل واشبع"، "بتفرح اوى عيل بيشحت ولا حد يستحق أكتر من الجنيه ونص الفكة اللى متبقيه من سياتك".

وتابع المغردون: "ممكن تساعد بيها مريض أو تكفل بيها يتيم أو تجيب بيها كل يوم فطار لطفل فى الشارع"، "أنت بتقول خمسه جنيه؟! طيب ما تقول خمسة إمواه أحسن"، "يمكن ملهاش قيمة دلوقتى فى نظر ناس كتير.. وجزء كبير من الناس دى هم السبب فى إنها ملهاش قيمة!"، "أكيد 100 مبقتش تعمل حاجة بس 5 جنيييه بس زى ما قالتها واحدة إحنا ممكن نصدق بيها فى غيرنا مش لاقيها"، "بتركب بيها مسافة متقدرش تمشيها أكيد أيا كانت إيه المواصلة!"، "بتبقى كل اللى فى جيب طفل.. ويحطها فى مسجد وهو فرحان زى أمه ما وصته!".