ساعات قليلة وتعلوا صلوات التروايح فى كل مكان معلنة عن بداية شهر الصوم الذى تنتظره الأمة الإسلامية من العام للعام، ونجد أن المنازل المصرية اليوم ستكون فى حالة طوارىء استعداداً لأول سحور فى شهر رمضان اليوم، وتوجد استعدادات خاصة فى منازل الفتيات اللاتى ينتمين إلى قائمة "سنة أولى جواز" فهن بالتأكيد يفضلن أن يضفين على منازلهن لمسة خاصة فى أول رمضان لهن فى منازل أزواجهن.
ودخل انفراد إلى حياة الزوجات الجدد ليعرف منهن كيف جهزن بيوتهن لاستقبال الشهر الكريم.
وقالت أمنية أحمد 24 سنة "بقالى 7 شهور بس متجوزة، وكنت دايماً بشوف ماما بتحب تشترى حاجات جديدة للبيت وتزينه، وطبعا انا قررت إنى أحافظ على العادة دى فى بيتى، وجوزى جاب فانوس كبير بعد ما نضفت الشقة زى كل المصريين علقناه وعملت زينة فى البلكونة، وحبيت أعمل حاجة خاصة بيا شوية و هى إنى جبت مصاحف كتير وبقت أعمل بيها أشكال ديكورات".
أما شيماء شاكر 25 سنة قالت "ده أول رمضان ليا مع جوزى، وطبعا كنت حابة أجهز الشقة كويس وعشان كدة جمعت كل الفوانيس اللى كان جايبهالى من أول ما اتخطبنا وكمان فانوس السنة دى، وحطيتهم فى الشقة، ده غير زينة البلكونة والسلم لأن دول شىء أساسى".
وقالت ندى محمد 27 سنة "انا اتجوزت من 3 شهور، وحسة إن رمضان جه بسرعة أوى والنهاردة بقى بدأت احس بالارتباك إنى مش هعرف أتعامل مع الأجواء الرمضانية لوحدى، بس الحمد لله نضفت الشقة كويس ةطلعنا الياميش وعلقنا الفانوس وباقى لسة هكتشفه مع الوقت".
بينما قالت إيمان على 28 سنة" انا بقالى أقل من سنة متجوزة، وقولت إنى لازم رمضان فى بيتى يبقى ليه طعم تانى، ونزلت وجبت قماش من الخيامية عشان أزين شسقتى بيه، و كمان جبت الفانوس وحاولت أعمل ديكورات فى كل مكان فى شقتى عشان يبقى شكلها مميز وفيها روح رمضان".
