مغردون فى هاشتاج "الموبايلات فى حياتنا": زى الصاحب الجدع وأهم من الأكل

اختلفت آراء رواد موقع التواصل الاجتماعى تويتر، حول أهمية أجهزة الموبايل فى حياتهم، من خلال تدشين هاشتاج "الموبايلات فى حياتنا"، شاركوا فيه بفاعلية جعلته يحتل المرتبة الرابعة على قائمة الترند مقتربا من 4 آلاف تغريده.

أكتر حاجة بقت مقرفة فى حياتنا وقالت المدونة رضوى عاطف: "أكتر حاجة بقت مقرفة فى حياتنا، نبقى قاعدين مع بعض وكل وحد لوحده مع موبايلها سواء فى البيت أو مع الصحاب"، وقالت مروة بكر: "أبسط حاجة إنه بقى يخلى الناس لما تحب تعيد على بعض بدل ما يروحوا لبعض أخرها رسالة، واهى حجة عشان ميوزعوش عدية".

موبايلى أهم وأغلى من ناس كتير فى حياتى أما إبراهيم فقال: "فجأة هتلاقى أبوك وأمك اختفوا من حياتك وانت محستش بوجودهم، هتفتكر أد إيه انت محتاج كلام أبوك لما كنت مركز مع الموبايل"، وقالت رودى: "للأسف الموبايلات بقيت واخده جزء كبير أوى من حياتنا، وحقيقى موبايلى أهم وأغلى من ناس كتير فى حياتى". الموبايل هو الصاحب الجدع وقالت إسراء: "الموبايلات فى حياتنا هى الصاحب الجدع اللى بيحتوى البنى آدم، بيستحملنى فى جميع تقلباتى المزاجية"، فيما قالت مرام الصفتى: "بكل أسف دمرت عائلات وضيعت بنات ويا فرحة الشباب بسوء الأخلاق"، فيما قالت آخرى: "أهم من المياه والأكل".