"منة" بتساعد البنات تحقق حلمها باستكشاف العالم لأن السفر "مش فرجة ومناظر"

"السفر مش مكلف.. السفر مش صعب.. ممكن تسافرى كل الأماكن اللى نفسك فيها" بهذه البساطة ترد "منة شاهين" على الحوار الداخلى الذى يدور داخل عقل كل بنت تشاهد صورة لبلد جميل تتمنى زيارته وتعتقد أن تحقيق هذا الحلم مستحيل. ولأنها قبل أن تتبع شغفها بالسفر وتخوض المغامرة للمرة الأولى عام 2013 كانت تعتبر نفسها "زى أى بنت عادية، عندى نفس المشاكل، الخوف من رفض الأهل والفلوس الكتير والأهم من دا كله الخوف من المجهول" قررت أن تساعد غيرها من الفتيات على تسهيل عقبات السفر واستكشاف العالم. وتحكى "منة" التى قامت الآن بعشرات الرحلات لجميع أنحاء العالم تقريبًا عن رحلتها الأولى "الحكاية جات بالتدريج، عملت جمعية على مدار سنة كاملة عشان أقدر أسافر وفى أول سفرية عديت على 7 دول"، وتعتبر منة التى كانت وقتها فى السادسة والعشرين من العمر أن الجزء الأصعب من الرحلة لم يكن فى السفر ولا الخوف من المجهول ولا المواقف الطارئة التى واجهتها خلال الرحلة وإنما إقناع الأهل بفكرة السفر فقط من أجل استكشاف العالم. تقول "منة": "كنت بسافر مع أهلى بين دول الخليج وعمرى ما سافرت لوحدى، وكان المبدأ بالنسبة لهم مرفوض، لكن مع الوقت لما ثقتهم فيا بقت أكبر وشافوا إنى بقيت شخصية ناضجة بعرف أتصرف وأقدر أتحمل المسؤولية بدأوا يقتنعوا". قبل السفر لم تفكر "منة" صاحبة مبادرة "She Travels" أبدًا فى أن تكون مدونة رحلات ولا أن تشارك العالم تجربتها الجديدة فى السفر ولكن مع الوقت ومع كثرة الاستفسارات التى كانت تصلها حول التجربة اكتشفت أن الكثير من الفتيات تراودهن الرغبة نفسها ولكن يتخوفن العقبات "بعد ما لفيت أكثر من بلد، ونشرت الصور، بدأت البنات تسألنى نسافر إزاى؟ والسؤال الأهم هو أقنعتى أهلك إزاى؟ فقررت أكتب عن تجربتى من خلال "فيسبوك" أحاول أقول للبنات إزاى يقدروا يسافروا ويعرفوا الموضوع قد إيه سهل". الجانب الآخر من حياة "منة" التى زارت 15 بلدًا و24 مدينة حتى الآن ليس بالبساطة التى تحكى بها عن السفر فتقول "أنا دكتورة صيدلانية فى شركة مالتى ناشيونال، الأجازة فيها صعبة جدًا والشغل مش سهل لكن بعمل المستحيل علشان أسافر". مزايا كبيرة اكتسبتها "منة" من السفر على مدار عدة سنوات، أهمها "خلانى واثقة فى نفسى إنى أقدر أو اجه أى حاجة فى الدنيا، والتعامل مع الناس والثقافات التانية بينور عقلى". هذه التجارب الفريدة لها كفتاة تستكشف العالم وشعورها بالأثر الإيجابى للسفر على شخصيتها دفعتها إلى التفكير بجدية فى إصدار كتاب يتضمن تجربتها كبنت رحالة. وتتمنى "منة" لو أن ثقافة المصريين فى السياحة والسفر تتغير وتقول "السفر مش فرجة على مناظر.. لكن دخول واندماج فى ثقافات الشعوب والبلاد اللى بنزورها، عيبنا فى مصر إننا شعب نفسه يتفسح بس بيكسل، بيستسهل إن شركة سياحة تنظم له رحلته ويا تعجبه يا ما تعجبوش". وتضيف "المصريون بيزوروا الأماكن السياحية يتصوروا جنب المعالم الشهيرة وخلاص ما بيحتكوش بالشعوب ولا يتعرفوا على البلاد والشوارع ودا بيخليهم ما يستفيدوش من السفر لأن السفر لو ما زودش وعى الإنسان وثقته بنفسه وتفكيره يبقى مالوش لازمة".