تداول عدد من مستخدمى شبكه التواصل الاجتماعى “فيس بوك” صورة لأحد بائعى الموز وهو يرتدى نظارة سوداء زاعمين أنه يعمل “مخبرًا” بشوارع وسط البلد لرصد التحركات بميدان التحرير، قبل ذكرى الخامسة لثورة 25 يناير. واتضح أنه بائع موز بسيط بشارع الشيشينى بالمريوطية يسمى عم عبد الطيف وليس مخبرًا ولا علاقة له بميدان التحرير.
كاميرا “فيديو 7″ قناة انفراد المصورة، التقت مع سكان وجيران عم عبد اللطيف، وقال علاء محمد “بائع موز بشارع الشيشنى بالمريوطية”: “عم عبد اللطيف بلدياتى من أسيوط، وراجل بسيط ومعروف من زمان هنا بالنظارة السودة، لأنه راجل مريض وعنده السكر”.
وأوضح جار عم عبد اللطيف “هو أصلا من أسيوط، ويسافر كل 20 يوم، أو كل شهر لأهله ولأولاده ويرجع تانى لأكل عيشه، وكلنا ساكنين فى محزن، ينام فيه، ونخزن الموز كمان”، مؤكدا “كل الشارع شاف الصورة اللى على فيس بوك، وزعلانا كلنا ده راجل غلبان وطيب وصاحب مرض”.
كما أشار شخص ثان من ساكنى شارع الشيشينى، قائلا ” الراجل صاحب الصورة دى بياع موز من زمان، وهو فى المنطقه وعمرنا ماسمعنا عنه أنه بيشتغل مخبر خالص”.
وقال اخر “صاحب الصورة هو عم عبد اللطيف بائع موز، وهو سافر علشان اخو بتجوز وراجع تانى، ده ساكن هنا مع بياعين فى مخزن”، مضيفا “سر لبسه للنضارة السوداء أنه راجل مريض فى عينه ويلبسها بالليل والنهار ومن سنين، عمره ما عمل أى مشكلة فى الشارع وفى حاله جدا”.