جهز بيتك بالمستعمل من "فيسبوك".. الأسعار على قد الإيد والجودة "انت وحظك"

"غرفة نوم بـ 3000 آلاف جنيه، أما النيش فيكلف ألف جنيه والصالون بألف جنيه أيضًا وغسالة نصف أوتوماتيك بـ 500 جنيه" هذه الأسعار ليست حالمة ولا تخص الزمن الجميل أبدًا ولكنها أسعار حقيقية لقطع أثاث مستعملة يتم بيعها على "فيسبوك" الذى تحول إلى أكبر سوق للمستعمل على الإطلاق بدءًا من أصغر التفاصيل إلى أكبرها. وعبر مجموعات مختلفة على "فيسبوك" يمكنك أن تجهز بيتك بالكامل بالأثاث المستعمل، فهناك مجموعات للأثاث بشكل خاص تخص مناطق بعينها كى لا تصبح فكرة معاينة الأثاث المعروض للبيع مشكلة فى حد ذاتها، وأيضًا لتوفير تكاليف النقل على المشترين فتجد مجموعات باسم "كراكيب شبرا وامبابة" أو "أثاث مستعمل فى المنصورة" و"مستعمل طنطا". وهناك مجموعات متخصصة فى بيع الأجهزة الكهربائية الخاصة بالمنزل وكل الإلكترونيات بدءًا من المكواة التى يمكنك شرائها بـ 60 جنيه فقط من خلال واحد من المجموعات، وصولاً إلى شاشات التلفزيون. وعن هذا الشكل الجديد للأسواق المستعملة بدلاً من الأسواق الشعبية للمستعمل كوكالة البلح فى بولاق أبو العلا وسوق التنوسى فى منطقة الإمام الشافعى يقول "ممدوح أحمد": "الفكرة كويسة وأنا مشترك فعلاً فى مجموعات للمستعمل، لأنى انتقلت من المنصورة لشقة بالإيجار فى القاهرة وكنت محتاج أثاث مستعمل لكن صعب أشترى أجهزة كهربائية مستعملة لأن الضمان مهم جدًا فى الحاجات دى، إلا فى بعض الأجهزة زى الراوتر والريسيفر الأجهزة من النوع دا يا شغالة يا بايظة والفرق فى السعر بين المستعمل والجديد بيكون كبير وبتبقى لقطة". أما "سماء أحمد" فتقول "بصراحة فكرنا أنا وخطيبى نشترى النيش من واحدة من المجموعات دى هو فى الآخر مش مهم بالنسبة لنا، وهنشتريه عشان نرضى العيلة ومش عايزين ندفع فيه فلوس كتير". ويقول "محمد عبدالحليم": "أنا شفت أسعار كويسة فعلاً لكن لما جيت اشترى لقيت الصور حاجة والحقيقة حاجة تانية خالص، والجودة ما عجبتنيش نهائى، رغم إن فى ناس أعرفهم اشتروا حاجات مستعمل ومبسوطين".