عدة تساؤلات تنتاب المرء أحياناً ،لماذا نلجأ إلى الكذب؟ وهل بالفعل هناك كذبة بيضاء ؟ وإذا وجدت فما هى ؟! .. هناك مثل قديم يقول “الكذب مالوش رجلين ” لنتعلم منه أن مهما كذب المرء لابد وان يأتى يوم تتجلى فيه الحقيقة ، ومع ذلك نظل نكذب فى أبسط أمور حياتنا حتى أصبح الكذب أسلوب حياة.
استطلعت كاميرا”فيديو7 قناة انفراد المصورة” أراء المصريين فى هذا الشأن وتباينت أرائهم فمنهم من أعترف أنه يكذب وآخرين خجلوا من اعترافهم فالتقينا بـ ” حمدان أبو حسن يعمل سائق قال ” أى واحد فينا لازم يكذب مافيش حد صريح فى حياته مش ممكن” ، اما عيد مصطفى موظف فى مصلحة الضرائب فقال ” مافيش موقف فى الدنيا يستاهل أن الواحد يكذب “، وتقول زينب تعمل فى مصلحة الضرائب ” لو كذبة بيضا ماشى ، يعنى لما يكون فى مشكلة مع حد بأحاول أكذب عشان أوفقهم مع بعض” ،أما طارق يعمل أيضاً فى مصلحة الضرائب يقول ” أكيد معظم الناس بتكذب واللى يقول غير كده كذاب”.
“الستات مابيعروفوش يكذبوا” واحد من الأمثال القديمة التى تبرئ المرأة من الكذب، لكن هناك مواقف تجبرها على الكذب وهذا ما أكدته جاكلين قائلة ” بكذب لما حد يسألنى عن سنى بس مش كتير بقلل حبه صغيرة”.
أما الأم كعادتها تكذب فقط لتهدئة الوضع بين الابن ووالده وهذا ما قالته شريفة أم مصرية التقينا بها فى وسط البلد وسألناها عن الموقف الذى تلجأ فيه للكذب فقالت ” لو ممكن تحصل مشكلة بين الأب وأبنه فى الوقت ده بكذب عشان الموضوع يعدى من غير مشاكل ، وبعدين لما الموضوع يهدى باقول أنا كذبت وأعترف بالحقيقة”.
“طبعاً ساعات الواحد بيكذب بس بأستغفر على طول ” هذا ما قاله المهندس مجدى مصطفى،وأضاف ” مافيش إنسان مابيكذبش .. ببقى موجود فى البيت ولو حد سأل عليا أقول للعيال قولوا مش موجود وده معناه إن أنا كذاب ” ، وعن الموقف الذى يجبره على الكذب قال ” لما يكون فى بيت هيتخرب أو حد هيتأذى لو قولت الحقيقة ..فى الوقت ده لازم أكذب”.
ما يحدث مع أى إنسان لا يعرفه سوى الله عز وجل هذا ما أكده محمد مصطفى ويعمل بائعاً فى منطقة وسط البلد حيث قال ” طالما حاجة أنا واثق منها خلاص مش بكذب ، وفى كل الأمور بخلص ضميرى من ربنا.. أيه اللى يخلينى أكذب ” .
“هو فى حد مابيكذبش ممكن أكذب كذبة بسيطة بس ما بتضرش ” هذا ما قاله راشد محمد مدير على المعاش بالتربية والتعليم.
وعن أسباب الكذب قال مراد معوض ويعمل محامياً “فى الغالب الواحد بيكذب لو خايف من حاجة أو عمل غلطة فى الوقت ده الواحد بيضطر أنه يكذب وده ما بيأكد أن الكذب ضعف”.
هانى نظمى يعمل فى مجال التسويق لإحدى الشركات الخاصة وكما يقول “أنا بشتغل بياع إعلانات يعنى كذب لذيذ مش مؤذى ” وتابع ” الكذب ما لوش قاعدة مافيش إنسان سوى ، وكمان الواحد لما بيكذب ما بيعاقبش نفسه”.
أما إيمان تعمل سكرتيرة فقالت” بكذب الكذب الخفيف الكذبة العادية يعنى الطريق زحمة..لسه فى المواصلات وكده، وبكذبه على اللى فى الشغل منعاً للمشاكل”.