خليك فى حالك

خليك فى حالك الإخوانى المتخفى عبد المنعم أبوالفتوح، صاحب حزب ودكانة مصر القوية ينام ينام ثم يظهر ليصطاد فى الماء العكر، وطبعا لا توجد مياه عكرة أكثر مما نحن فيه حاليا، بس هى العملية مش ناقصة بصراحة، بص لاخواتك بديع ومرسى والكتاتنى، وكل عيش.

مش إحنا! المخابرات البريطانية شخصيا عن طريق جهاز مراقبة الاتصالات تتولى عملية المساعدة فى تأمين ومنع تسريب الجزء السادس من هارى بوتر على الإنترنت، مش إحنا، عندنا أول ما كتاب ينزل يتقرصن على كل الأرصفة، وعلى مواقع البى دى إف، وأى فيلم بينزل «شاهد قبل الحذف»، ومفيش حتى أمين شرطة بيأمنه.

مبروك عليك الزهر الصورة السيلفى التى التقطها الشاب البريطانى بنيامين إينس مع خاطف الطائرة المصرية كانت فاتحة خير عليه وقررت إدارة برنامج «Celebrity Big Brother» الشهير ضمه إلى عرضها المقبل.. يعنى المصرى يخطف ويتحبس.. والخواجة يتصور ويمثل ويتشهر.. قد إيه الدنيا دى ممكن تظلم.