مصر المكتفية من البيض
شعبة الدواجن فى الغرفة التجارية بالقاهرة أعلنت عن تراجع سعر البيض، موضحة أن مصر تنتج 8.2 مليار بيضة سنويا، وتصل إلى حد الاكتفاء الذاتى.. ألف حمد وشكر يا رب، الحاجة الوحيدة اللى عندنا اكتفاء منها وممكن نصدر كمان هى البيض، اللهم لا اعتراض.
ربنا يكسر بخاطركم
«ربنا يكسر بخاطركم زى ما كسرتوا بخاطر 6 عرائس يتيمات بعد إجبارهن على خلع فساتين الزفاف فى القاعة بعد انتهاء حفل زفاف جماعى، وعدم السماح لهن بالذهاب بها إلى عش الزوجية، بدعوى أنها عهدة على المسؤول.. الشو خلص.. ومنكم لله.
يا الحبس.. يا الرقص
كل يوم تقريباً يصدر حكم بحبس الراقصة الأرمينية صافينار.. أو صوفينار.. أو صافيناز، مرة عشان رقصت بعلم مصر.. ومرة عشان رقصت من غير ترخيص.. ومرة عشان رقصت وهى بترقص.. مفيش مشكلة، بس يا تحبسوها فعلا، يا ترحمونا.
