فوزية ماتت، وفوزية هى أنثى سبع البحر بحديقة حيوان الجيزة، عمرها 16 عامًا، اتخطفت فى عز شبابها بسبب تناولها وجبة سمك فاسدة، ربما يفتح موت فوزية ملف الإهمال والفساد فى حدائق حيوانات مصر، كفاية فشلكم علينا، مش هيبقى إحنا والحيوانات كمان.
-ارجع يا هنيدى
الفنان الجميل محمد هنيدى يعوض غيابه الفنى بالإفيهات على تويتر، وآخرها سخريته من برامج المقالب وفبركتها قائلاً: «رايح أصور مقلب رمضان.. على بركة الله ادعولى بالخضة».. إحنا عاوزينك تنزل تصور فيلم ومسلسل جداد، وهندعيلك بالتوفيق.
- فين الآثار؟!
السيد وزير الآثار، أصبح معلومًا أن تهريب وتجارة الآثار أصبحت أسهل من تجارة المعسل، وأن شراء قطعة أثرية أسهل من شراء علبة سجائر، وكل يومين نسمع عن سقوط مهرب آثار، فهل يمكن مصارحتنا.. إحنا فاضل لنا حاجة غير التلات أهرامات، ولا خلاص كده؟!
